" कुठली भाजी "

दि.२९.०६.२०१९.
कुठली भाजी....
आपण रोज किती तरी कठीण प्रश्नांना सामोरे जातो,त्याची उत्तरेही शोधतो,ती बरोबर ही मिळतात.
पण बायको चा( आप - आपल्या स्वतःच्या,गैरसमज नको😁😁) हा प्रश्न जो कोणी माईचा लाल सोडवेल किवा त्याने दिलेले उत्तर काहीही न बोलता मान्य झाल्यास, त्याला मी..... भरभरून हा आशिर्वाद देईल( रोज त्याला त्याची आवडीची भाजी च खायला मिळो)😜😜...
 तर आता ऐका तो प्रश्न,नीट लक्ष देऊन ऐका बरं... परत म्हणू नका आम्ही प्रश्न नीट नाही ऐकला ते...

आज भाजी कुठली करू / करायची ??????????

दचकलात ना, की घाबरलात, जागेवर उडालात ना( डोळ्यासमोर सकाळी ह्या प्रश्नाचे उत्तर दिल्यावर मिळालेले लेक्चर आठवले का?)😁😁😁.....

आहे उत्तर ह्या प्रश्नाचे,तेपण रोज द्यायचे,देऊ शकाल,देताय?? देणार  अथवा देत असाल आणि त्या उत्तरा नंतर समोर च्या माऊलीचे समाधान झाले असेल तर तुम्ही सुखी संसार कसा करावा ह्यावर मार्गदर्शन करायला तयार झाला आहात असे समजावे😁😁

आई नी हा प्रश्न विचारला तर ठीक होतं हो. आपल्याला जी भाजी आवडते ती सांगुन मोकळे होता यायचे, ती थोडेसे ओरडून ( रोज काय रे एकच भाजी,जरा सगळ्या भाज्या खात चला रे, वगरे) त्याच भाजीला किवा आपल्या नावडत्या भाजीला थोडेसे आवडती करून खाऊ घालायची. त्यावेळेस ह्या प्रश्नाची भीती वाटत नव्हती( लग्नाना नंतर कळले ह्या प्रश्नाची भीती फक्त नवऱ्याला असते,मुलांना नाही).

पण जेव्हा लग्न झाले त्यावेळेस कळले की हा प्रश्ननाचे उत्तर देणे किती कठीण असते ते.

ह्याचे उत्तर देणे अथवा ते बरोबर येणे व त्याचे परिणाम हे त्या त्या वेळेस च्या बायकोच्या मुड वर depend असते. तिने जर रागात,चिडून हा प्रश्न विचारला असेल तर तुम्ही उत्तर काहीपण द्या,तुम्हाला तासभर तरी ( रोज नवीन भाजी कुठून आणू,भाजीवाले कसे त्याच त्याच भाज्या आणतात,महागाई त्यात. तुम्ही आणि तुमची मुलं कशी नाटकं करता, इत्यादी इत्यादी) लेक्चर ऐकावे लागणारच.

कधी कधी तिच्या सासूचा सुद्धा उद्धार केल्या जातो, लाडावून ठेवलंय नुसतं,ह्यांनी नुसत्या सवयी लाऊन ठेवल्या,रोज नवीन काही काही करून खाऊ घालायच्या,आता त्याचा आम्हाला त्रास...

कधी कधी मला वाटते,बायका नुसते आपल्याला हा प्रश्न विचारायचा सोपस्कार करत असतात की काय,त्यांना आपल्याकडून उत्तराची अपेक्षा नसावी,उगाच आपले, "तुम्हाला विचारून सगळे करते बरं" ह्यासाठी ही असेल.

त्यांचे मनात अगोदरच ठरलेले असते की आज काय करायचे,पण ते उत्तर पडताळून पाहण्यासाठी( तुमचे तोंड भाजी बघितल्यावर किती वाकडे होणार,ह्याचा अंदाज घेण्यासाठी,खूपच जास्त वाकडे होत असेल,तर त्यात थोडा बदल करून,तुमचे तोंड थोडे सरळ दिसले की झाले ) १००% बरोबर करून घेण्यासाठी त्या विचारायचे नाटक करत असाव्यात.

एकूण काय तर,हा प्रश्न तुम्ही प्रत्येकवेळी गांभीर्याने घेऊन उत्तर देणे अपेक्षित नसते,त्यावेळी तुम्ही समंजस पणे,तिला हे विचारावे तुझे काय म्हणणे आहे,मग बघा ह्या प्रश्नाचे उत्तर देणे किती सोपे आहे ते. (लेक्चर पासून सुटायचा सगळ्यात सोपा मार्ग,आणि सुखी व शांत संसाराची गुरुकिल्ली( ह्या प्रश्ना पूर्ती बरका)😁😁😁).

असो,असा हा गमतीशीर प्रश्न आहे. देव तुम्हाला ह्या प्रश्नाचे रोज रोज उत्तर द्यायचे बळ देवो😁😁😁.....

( ता.क.: ह्या लेखातील सांगितलेला उपाय हा प्रत्येक घरात,प्रत्येकाला वेगळा वेगळा लागू शकतो,सरसकट हाच उपाय वापरायचा असेल तर ज्याने त्याने आपल्या जबाबदारीवर वापरणे,चुकीचे अनुभव आल्यास त्यास लेखक जबाबदार नाही😜😀😀😀😀😀)

आशुतोष दंडगव्हाळ .....